dieses Mal mit: Maurin Frei
Was hätt dä mit em FCH z‘tue?»
- Junior des FCH seit dem 5. Lebensjahr, Torwart seit den C-Junioren, neu erstmals Aktiv-Torwart in der 3. Mannschaft
- Lieblingsclub in der Schweiz: GCZ
- Lieblingsclub im Ausland: Tottenham Hotspurs
An wen möchtest du den Ball weiterkicken für das September-Interview? Und warum?
Min holprige Rückpass bechunnt dasmal en Goalie und zwar min chliine Brüeder de Maurin, er hetts sichs verdient, de Armi hett müsse unter mir als Brüeder trainiere und das 3 Jahr lang. Und ich bi eher uf de fordernde Siite gsi und hann ihn nöd gschont. Au hetter min Respekt, will er erst vor guet 5 Jahr d’Umschuelig is Goal gmacht hett und das nur wills kein andere Goalie annodazumals im C gha hennd und für das macht ers doch sehr sehr guet. Sitt det chammer ihm eigentlich immer schriebe und er staht immer zur Verfüegig wenn irgendwo imene Team Not am Goalie isch, er staht immer da.
So mal luege wie du min Rückpass chasch verwerte, sie sind berühmt berüchtigt, dass nöd würkli guet sind, die wo jahrelang mit mir tschuuted hennd wüssed, dass mal de eint oder ander ufem Weg zum Goalie verhungeret isch und so zum Gegegoal gfüehrt hett.
Deine Reaktion auf das Zuspiel von Deinem grossen Bruder?
Das freut mich natürlich sehr das ich die Ehr jetzt vo mim Brüeder übercho han. Ich glaub zwar nöd das mini Päss besser sind oder ich überhaupt eine chönnt verwerte. Als die riise Techniker vom FCH sind mir glaub beidi nöd bekannt.
Giani hat es angesprochen, Du hast Dich bei den C-Junioren in den Dienst der Mannschaft gestellt, als diese auf der Suche nach einem Torwart warst. Was hat Dich damals dazu bewogen?
De damalig Goalie hett sich verletzt gha und het somit nümm chönne Sport mache. De Beni, miin damalige Trainer, hett denn id Rundi müsse fröge, wer sich wür bereit erkläre für es paar Spiel is Goal z’wechsle. Ich han zerst mal andere de Vortritt lah. Wo sich denn aber langsam sicher mini Spielziit im Ca, ufgrund vo mangelndem Talent und Usduur , uf öppe 15 Minute pro Spiel verchürzt hett, hani das als mini gross Chance gseh. Zum wieder mal chli meh chönne spiele. Ich bin nöd de einzig Bewerber gsi für die Position, aber glaub de einzig wos gfalle hett. Nümm die ganz ziit müsse umzrenne hett mer definitiv besser passt. Ich han mich direkt wohlgfühlt und das so au kommuniziert gha. Nachemene Début im Cup, womer denn erst im Penaltyschüsse verlore hennd, hani überzoge und döfe im Goal bliibe. So isch usemene mitteklassige Feldspieler en mittelklassige Goali worde.
Du durftest im letzten Jahr unter anderem auch als Captain des Teams, als erste A-Junioren Mannschaft, den Erhalt der Youth League feiern und im Cup überwintern, betrachtliche Erfolge, wie denkst Du über das vergangene Jahr?
Ja das stimmt, ich bin sehr stolz druf dasi das chönne han. Es isch wück es riise Team gsi. Es sind au sehr viel Lüüt debi gsi, woni scho sit chli uf zeme gspielt han. Die Weg hennd sich erst jetzt uf die aktiv-Ziit trennt. Und das hett mer au gseh ufem Platz. Mir hennd enand blind Verstande und darum glaubi au recht Erfolg gha. S eint oder andere Spiel hemmer denn sicher au wege mir verlore, wo no wichtig gsi wär zgünne, grad im Cup. Aber als Goali machsch ein Fehler und de Ball isch dine… Im grosse und ganze aber luegi extrem positiv zrugg. Nebst em Match am Wuchenend hetts mier immer Spass gmacht am Abig nachem Schaffe no is Training chönne zgah und alli Kollege z gseh.
Seit Du 5 Jahre alt bist, spielst Du nun beim FCH. Was war das grösste Highlight bisher?
Es tönt jetzt vilicht chli abghobe, aber dur das ich um mich ume en sehr guete Fuessballjahrgang gha han, mit de 2004/2005, hetts sehr viel highlights geh(liit nöd a mir). Ich ghör glaub zudene Lüüt wo i jedere Altersstufe sits e Tabelle git, regelmässig ufgtiege bin. Viel meh als Abgstiege, das bini eimal und zwar im zweite halbe Jahr mitem A us de youth League. Aber ich denke, das sportlich gseh, mis gröschte Highlight de doppleti Ufstieg hinterenand mit de A-Juniore gsi isch. I de 1. Stärkiklass agfange id Promotion ufgstiege und direkt aschlüssend i die höchschti, d Youth league, ufe. I 2 Saisons hemmer glaub 3 mal verlore gha, was ja wücklich nöd so schlecht isch. Nebst em sportliche ischs für mich eifach de ganz Verein wo es highlight isch. Ich han i dene Jahr extrem viel neui Kollege kenneglernt woni bis hüt no han. Es isch wie e recht grossi Familie.
Nun spielst Du im nächsten Jahr in einer neu strukturierten 3. Mannschaft. Freust Du Dich und was sind Deine Erwartungen?
Das isch jetzt mini ersti Saison als Aktiv Spieler. Und d Ziel sind eigentlich recht klar formuliert worde. Ich freu mich sehr uf das neue Jahr und bin wück gspannt druf, öb mier das erreichet werded. Au uf die ganz Umstellig vom Juniore Fuessball uf de Herrefuessball bini neugierig. Aber au da bini positiv gstimmt. Ich freu mich extrem, jetzt die neue Erfahrige döfe zmache und au imene neue Team, wo us komplett neue Lüüt woni nöd kenne, alles zgeh und s beste drus zmache. Grossi Erwartige hani nonig, dur das ichs ja nöd so kenn. Ich bin en Typ wos nimmt wies chunnt.
Auch einen kurzen Ausflug in das Trainerbusiness hast Du gewagt, welchen Tipp würdest Du aus Trainersicht den jungen FCH-Torhütern mit auf den Weg geben?
Au das hani mal probiert gha und chönne mini Erfahrige mitem Ef, em Dd und em Cc mache. Für mich ischs enorm wichtig gsi, das woni als Spieler erlebt han, au mal als Trainer zmache. Das isch öppis komplett anders. Und vilicht verstahni denn au meh us Trainersicht, wiesos jetzt die Laufüebig und die Passüebig brucht und mer nöd numme mätchle chan. Miin Tipp isch ganz Simpel. D Freud am Goali si muss zu hundert Prozent da si. Sobalds dich bitzli aschisst passieret Fehler. Und dur d Fehler wirds nur schlimmer. Du musch chönne so öppis abhacke und mit de gliiche Freud wiitermache. Au wenns eis oder zwei Goal wege dier geh hett. Mit Freud wieder is Training gha zum dich verbessere, dases es nöchschts mal nümm passiert.
An wen möchtest du den Ball weiterkicken für das Oktober-Interview? Und warum?
Min Abschlag wird ich öpperem probiere zue z’spiele, wo mich vo afang a woni Goali worde bin Unterstützt hett. Und mich über die Jahr immer besser gmacht und mir die Freud a dere Position geh hett. A min Goalitrainer de Erich Koch. Er hetts definitiv verdient da erwähnt zwerde. Da chani glaub für alli Goalis usem Goalitraining rede. Was er für ois macht, Wuche für Wuche ufem Platz staht und das no mit somene Engagement, dank ich ihm sehr.